A primeira fichaxe anunciada nesta tempada é a do ala-pivot Rubén Rey, que volve á plantilla do cadro carballés para disputar a súa 8ª tempada en Liga EBA, onde aportará a súa experiencia e calidade ao CALVO BASKET XIRIA.
Carballo, a 17 de agosto de 2022.
Rubén Rey Artigas (A Coruña · 1993), tras o paso polo CB Chantada, o ala-pivot coruñés volve a xogar unha nova tempada en Carballo (terceira), onde volve a coincidir con ex compañeiros da súa etapa de formación e esperamos, como así avala a importante traxectoria en Liga EBA, unha gran aportación no xogo do CALVO BASKET XIRIA.
Xogador moi habilidoso (1,98 m.) que se desenvolve moi ben en posicións interiores e cunha importante traxectoria en Liga EBA (2.247 puntos en 4860 minutos e 810 rebotes –media: 29 min, 14 puntos e 5 rebotes–), que o fai ser un dos ala-pivots mas valorados nesta categoría nacional. O xogador comezou a practicar baloncesto con 11 anos, no colexio coruñés de Sagrada Familia, para logo ir ás categorías base de Basquet Coruña; a posterior xogou un ano no CB Narón, antes de fichalo o Basket Xiria na tempada 2019/20 e tras pasar unha tempada en Chantada, retorna a Carballo para volver a disputar unha tempada máis a Liga EBA e así poder desfrutar do seu xogo e saber facer na “pintura”.
Traxectoria Deportiva:
- Xogador CALVO BASKET XIRIA (Liga EBA). Escola Basket Xiria. Tempada actual 2022/23 – 3º ano no Club.
- Xogador de Ucoga Chantada – Liga EBA – CB Chantada. Tempada 2021/22.
- Xogador CALVO BASKET XIRIA (Liga EBA). Basket Xiria. Temp. 19/20 e 20/21.
- Xogador de Narón Baloncesto – Liga EBA - CB Narón. Tempada 2018/19.
- Xogador de Leyma Basquet Coruña – Liga EBA e categorías base. Club Basquet Coruña SAD. Dende ano 2004 ata tempada 2017/18.
PRENSA Escola Basket Xiria.
