Trala gran tempada realizada o ano pasado liderando ao conxunto carballés, Pablo López-Pizarro volve á Liga EBA co Calvo Basket Xiria, na súa 5ª tempada en competicións nacionais.
Carballo, a 10 de agosto de 2022.
Pablo López-Pizarro de la Sota (A Coruña · 1997), será unhas das pezas importantes no organigrama do equipo que dirixe Héctor Méndez, para a vindeira tempada en Liga EBA. O coruñés, que xoga de escolta e tamén coma base, vai a disputar a súa cuarta tempada consecutiva en Carballo. O ano pasado, na 1ª Div. Autonómica, promediou 13 puntos en 25 minutos, nos 22 partidos xogados.
Pablo é xogador criado nas categorías de base do Basquet Coruña, cunha dilatada experiencia na Liga EBA, con 7 tempadas disputadas en categorías FEB, onde xogou 102 partidos con case 2.000 minutos disputados e case 600 puntos. Xogador versátil e cunha ampla visión de xogo, ademais ten unha boa entrada a canastra, onde tanto pode finalizar a xogada coma dobrar o balón para un tiro exterior.
Traxectoria Deportiva:
- Xogador CALVO BASKET XIRIA (Autonómica + Liga EBA) | Escola Basket Xiria. Dende tempada 2019/20 á actual – 4 anos.
- Xogador de Narón Baloncesto – Liga EBA | CB Narón. Tempada 2018/19.
- Xogador de Leyma Basquet Coruña – Liga EBA e Categorías Base | Club Basquet Coruña SAD. Dende ano 2005 ata tempada 2017/18.
PRENSA Escola Basket Xiria.
