Está é a segunda fichaxe que se incorpora ó CALVO BASKET XIRIA, para disputar a vindeira tempada a Liga EBA. Pau é un combo guard (base /escolta) con bo dribbling, excelente manexo de balón e con dotes de “jugón”.
Carballo, a 19 de agosto de 2022.
Pau Isern Maza (Barcelona · 11/2001), tras os seus inicios con 4 anos, dende que tiña uso de razón, comezou a xogar no CB Santfeliuenc e a medida que o tempo pasaba a súa evolución foi constante, aumento en etapa de formación e xogando dous campionatos de España en 2017 e 2018. Segundo melloraba a súa evolución coma xogador, o interese de varios clubs barceloneses fixo de cambiase de Clubs, ata dar o salto á Liga EBA a tempada pasada, da man do CB Roser.
Xogador que destaca no bo dribbling e gran manexo de balón (1,90 m.), que pode actuar coma escolta e base –combo guard–. No seu debut con 20 anos en Liga EBA, foi unha grata sorpresa sendo un dos mellores U22 de súa conferencia (segundo o diario dixital especializado Zona de Basket), con grande posibilidade de mellora e crecemento ó longo destes anos. Cunha media de 12,6 puntos e 4,0 rebotes en 28 minutos nos 21 partidos xogados (valoración media 13 ptos).
Traxectoria Deportiva:
- Xogador CALVO BASKET XIRIA (Liga EBA). Escola Basket Xiria. Tempada actual 2022/23.
- Xogador de Plus Ultra Seguros – Liga EBA – CB Roser. Tempada 2021/22.
- Xogador de CB Almeda – Junior e Sénior. Tempada 2017/18 a 2020/21.
- ·Xogador de Club Basquet L'Hospitalet – Cadete. Tempada 2015/16 a 17/18.
- Xogador de CB Santfeliuenc – Categorías base. Dende 2005 ata Temp. 14/15.
PRENSA Escola Basket Xiria.
