O CALVO XIRIA xa clasificado para a fase final, perde nos ultimos segundos da prórroga un igualado encontro ante o Seis do Nadal .
DATA: Domingo 27.03.2022 | HORA 16:30h
PAVILLON: Pavillón Navia (VIGO)
ARBITROS: Moreno (Principal) e Leal (Auxiliar).
- RESULTADO:
SYGENTA SEIS DO NADAL 79 🆚 74 CALVO BASKET XIRIA
PARCIAIS: 21+ 11 +11 +25 +11 | 16 + 16 + 20+ 16 + 6
- ANOTADORES:
Diego López (7), Alex Iglesias (25), Sergio Yuber (5), Asier Comendeiro (5), Tuto Pizarro (9), Damián Pose (3), Ángel Pascual (8), Jose Miranda (3), Pablo Pizarro (9). Non xogaron por lesión: Jorge Castiñeira, Samu Lodeiro e Julio Flores.
- ANALISE DO PARTIDO:
Foi un gran encontro dos xogadores de Héctor Méndez, que souberon reaccionar tras un regular inicio no primeiro cuarto. Os locais comezaban impoñéndose no primeiro cuarto por 21-16, pero o Calvo Xiria gañaba o segundo por 11-16, o que permitía chegar ao descanso con empate 32-32
Xa no terceiro tempo, os carballeses comezaron fortes e impuxeronse por 11-20. Así, entraba no último cuarto con nove puntos de vantaxe, de feito, a falta de cinco minutos para o final do último cuarto, gañaban por dez (52-62), pero o Seis do Nadal foi recortando ata remontar o marcador (66-64). Unha falta en tiro triple, dubidosa, volvía igualar o encontro, chegando o final to tempo regulamentario, cun igualado 68-68, que forzaba a prórroga.
O tempo de engadido arrincaba con máxima igualdade e alternancias no marcador de tan só un punto, pero os locais acabaron levando o partido por 5 putnos de diferencia (79-74).
- XOGADOR CALVO do partido: Alejandro Iglesias, con 25 puntos en n 30’ | TL 6/6, T2 5/9, T3 3/10
O equipo carballés despediranse da liga regular en Carballo, ante os seus siareiros, nun encontro que se xogará o sábado 2, ás 17:30h, no Pavillón Vila de Noia, ante o OBRADOIRO USC, coa loita para ver que ocupa a segunda prza na clasificación, de cara os cruces da Fase Final Previa.
Lograr o ascenso á liga EBA, parte máis como unha ilusión do equipo, que como un obxectivo ao comezo da tempada... PERO TODO É POSIBLE, ASI QUE IMOS ALA!!!
FORZA XIRIA ... ADIANTE EQUIPO!!!
