Exitazo do V Pequebasket en Carballo a pesares da choiva

Éxito de participación nun día con moitas sorpresas no V Día do Pequebasket en Carballo

Carballo, 17 de Maio de 2017

O V Día do Pequebasket comezaba en Carballo ás 10:30 horas da mañá do Día das Letras Galegas.

Madrugaba a Conselleira de Medio Rural, Ángeles Vázquez, acompañada pola directora xeral de Gandaría, Agricultura e Industrias Agroalimentarias, Belén do Campo, participando na promoción do leite galego de calidade diferenciada co selo Galega 100% con motivo do 5º Día do Pequebasket. Eran acompañadas polo Alcalde de Carballo, Evencio Ferrero, o presidente da Escola Basket Xiria, Marcos Díaz Molk e outros membros da corporación carballesa como Aurelio Núñez.

Máis fotos deste momento

A partires deste momento, os 650 participantes no V Día do Pequebasket, comezaron os seus partidos, no que o obxectivo e pasar un día de convivencia entre nenos e nenas de toda Galicia de 5 a 8 anos de idade.

Tanto ás 12:30 horas como ás 13:·30 horas, a TVG emitía en directo as seguintes conexións:

Vídeo1 TVG – 5 Dia do Pequebasket en Carballo

Vídeo2 TVG – 5 Dia do Pequebasket en Carballo

Nestes intres, os nenos recibían unha grata sorpresa, a visita de dous xogadores do Clube de ACB Obradoiro CAB de Santiago de Compostela – ALBERTO CORBACHO E PEPE POZAS, que compartían encantados fotos cos máis pequenos e con entrenadores dos 52 equipos participantes no evento.

Ainda que a choiva non permitía desfrutar dos distintos xogos que tiña preparados a Escola Basket Xiria, o tempo ía pasando moi axiña para os baloncestistas de 5 a 8 anos, que compartían o xantar con productos saúdables, entre os que se encontraba o brick de leite 100% galego, así como bocadillos, auga, zumes e fruta.

Entre as 14:00 e as 15:00 horas, unha das pistas interiores do recinto, acollía un partido – adestramento entre xogadores Pequebasket, e alumnos da Asociación Un Paso Máis, que compartían en redes sociais estas bonitas palabras

Xa pola tarde, a choiva dou un respiro, e todos os participantes, así como unha gran cantidade de visitantes ó evento, puideron aproveitar os distintos xogos postos á disposición pola Escola Basket Xiria (hinchables, coches a pedais, pintacaras, globoflexia, xogos tradicionais, etc)

A actividade remataría ás 18:00 horas, cando se entregaban os premios (camisetas e medallas) ós participantes. Estaban neste acto de clausura

Alcalde de Carballo, Evencio Ferrero
Concelleiro de Deportes de Carballo, Marcos Trigo
Alcalde de Laracha, Xosé Manuel López
Representante do PP en Carballo, Aurelio Núñez
Presidente da Escola Basket Xiria, Marcos Díaz Molk

En poucas palabras: GRACIAS a TOD@S!
Institucions patrocinadoras, colaboradores e patrocinadores, voluntarios e personal de organización, xogadores do Club, adestradores e sobre todo participantes!!!
Ata o ano que ven… Vemonos no 2018!!!

LINKS:

MÁIS FOTOGRAFÍAS DO EVENTO V DÍA DO PEQUEBASKET EN CARBALLO

FOTOGRAFÍAS DA PRESENTACIÓN DO 5º DÍA DO PEQUEBASKET NO CASINO DE CARBALLO

REPERCUSIÓN E IMPACTO DO EVENTO

Tan só un día despois do evento, o Hashtag #Pequebasket en Twitter rexistrou 323.186 impresións nesta Rede Social, e 183.936 impresións co hashtag #5diaPequebasket, o cal nos transmite o enorme potencial deste gran evento en Carballo que realizamos con tanta ilusión! Aquí vemos o informe: